اپݨے iPhone تے iPad اوتے اپݨیاں ونڄݨ والیاں جاہیں تے تکھاجی نال پُڄو
Firefox براؤزر دے نال iOS کیتے اپݨے کھلے ٹیباں، ماضی دی ڳول تے بھاوݨیاں سائٹاں سب کوں ہک جاہ تے ݙیکھو۔
Firefox کوں آپݨا براؤزر بݨاؤ
ہݨ iPhone تے iPad صارفین اپݨا ڈیفالٹ براؤزر منتخب کر سڳدے او۔ ایندا مطلب ایہ ہے جو تساں Safari دا استعمال کریندے ہوئے پھسدے نہیں ویندے، تے تہاݙا موبائل براؤزر تہاݙے من بھانوݨے ڈیسک ٹاپ براؤزر دے نال مطابقت پذیر رہ سڳدا ہے۔ ایندے علاوہ، جݙاں تساں Firefox کوں اپݨے ڈیفالٹ براؤزر دے طور تے سیٹ کریندے او، تاں تساں ہک آزاد ٹیک کمپنی دی حمایت کریندے پئے او۔ Firefox وی کلھا وݙا براؤزر ہے جیندی حمایت غیر منافع بخش ہے۔
تکھا، نجی تے محفوظ
جیڑھا کجھ ذاتی ہے اینکوں تیز رفتاری دی قربانی ݙتے بغیر رکھو۔ ایندے علاوہ، سمارٹ براؤزنگ دیاں خصوصیات تہاکوں اپݨی پرائیویسی، پاس ورڈز تے نشانیاں کوں محفوظ طریقے نال اپݨے نال گھن ونڄݨ دی طاقت ݙیندیاں ہن، تساں جتھاں وی ونڄو، تہاݙی آن لائن زندگی کوں آسان بݨیندے ہن۔
نجی آن لائن راہوو
Firefox جݙاں تساں ویب تے ہوندے او تاں تہاکوں رازداری دا زیادہ تحفظ فراہم کریندا ہے۔ پہلے کنوں طے شدہ طور تے، اساݙا بہتر ٹریکنگ پروٹیکشن ٹریکرز تے سکرپٹس کوں روکیندا ہے جیویں جو سوشل میڈیا ٹریکرز، کراس سائٹ کوکی ٹریکرز، کرپٹومائنر تے فنگر پرنٹرز۔
تہاݙی براؤزنگ تاریخ تاریخ یے
جے تساں چاہوں تاں، تساں آسانی نال آن لائن ونڄݨ تے نجی براؤزنگ موڈ وِچ ڳول کرݨ دا انتخاب کر سڳدے او۔ تے جݙاں تساں نجی براؤزنگ موڈ کوں بند کریندے ہن، تاں تہاݙی براؤزنگ دی تاریخ تے کوئی وی کوکیاں تہاݙے آلے کنوں آپوں ڄاݨ مٹ ویندیاں ہن۔
آپݨی حیاتی وچ ٻئی Firefox گھنو
محفوظ، ہموار براؤزنگ کیتے اپݨے تمام آلات تے Firefox شامل کرو۔ تساں جتھاں وی ونڄو اپݨیاں من بھانوݨیاں نشانیاں، ہتھیکڑے لاگ ان، پاس ورڈز تے براؤزنگ ہسٹری گھنݨ کیتے اپݨے آلات کوں مطابقت پذیر بݨاؤ۔ ایندے علاوہ، اپݨے فون تے ڈیسک ٹاپ دے درمیان کھلیاں ٹیباں بھیڄو جتھوں تساں چھوڑیا ہا۔
ایہ سبھ تکھاجی نال لبھو
سرچ بار وِچ ڳول دیاں تجویزاں حاصل کرو تے انہاں سائٹاں تائیں تکھاجی نال رسائی حاصل رو جنہاں کوں تساں سبھ توں زیادہ ݙیکھدے او۔ اپݨا ڳولݨ سوال ٹائپ کرو، تے اپݨے من بھانوݨے سرچ انجݨاں وِچ تجویز کردہ تے پہلے ڳولئے ڳئے نتائج حاصل کرو۔
اپݨی ہوم سکرین دے مالک بݨو
انٹرنیٹ دے انہاں حصیاں تائیں تکھاجی نال پڄو جنہاں دا تہاکوں خیال ہے۔ اپݨیاں تمام کھلیاں ٹیباں، حالیہ ڳول، نشانیاں تے من بھاوݨیاں سائٹاں سبھ کوں ہکی جاہ تے ݙیکھݨ دا انتخاب کرو۔
تساں جہڑی شئے نال پیار کریندے ہو اوں بارے ٻیا دریافت کرو
Firefox وچ ہک نواں ٹیب کھولو تاں جو تساں ساریاں توں ودھ ورتیاں سائٹاں تے اپݨے حالیہ نشان ݙیکھو۔ Firefox تہاکوں تہاݙیاں حالیہ ورتیاں سائٹاں تائیں چھیتی رسائی ݙیندا ہے تاں جو تساں جتھے ونڄݨا چاہندو ہو، اتھے چھیتی پڄ ونڄو۔
Mozilla دا تعارف
Mozilla ایں کیتے ہے جو انٹرنیٹ کوں ساریاں کیتے ہک عوامی وسیلہ بݨاوے، کیوں جو اساں منیندے ہیں جو کھلا تے آزاد بند تے قابو شدہ توں چنگا ہے۔ اساں Firefox جیہے پروڈکٹس بݨیندے ہیں تاں جو پسند، شفافیت تے کنٹرول کوں ودھاواں۔